^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

314539
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
277
352
2441
308594
8495
12447
314539

ວັນ​ທີ25 ຕຸລາ 2019 ນີ້ ຢູ່​ທີ່​ໂຮງໝໍ ​ແຂວງ​ຫລວງ​ນ້ຳທາ​ໄດ້​ເປີດ​ພິທີ​ບໍລິການປີ່ນປົວຜ່າຕັດຜ່ານທໍ່ ​​ເຂົ້າຮ່ວມ​ໂດຍ ທ່ານ ບຸນ​ຍີ່ ​ແກ້ວ​ຄຸນ​ເມືອງ ຮອງ​ເລຂາ​ພັກ​ແຂວງ ຮອງ​ເຈົ້າ​ແຂວງໆ​ຫລວງ​ນ້ຳທາ, ທ່ານ ດຣ ຄຳ​ຈັນ ອິນ​ທອງ​ໄຊ ກຳມະການ​ພັກ​ແຂວງ ຫົວຫນ້າ​ພະ​ແນ​ກສາທາລະນະ​ສຸກ​ແຂວງ, ທ່ານ ອາຈານ ພວງ​ເພັດ ຂຸນ​ສຳລານ ຮອງ​ຫົວຫນ້າ​ພະ​ແນ​ກຜ່າຕັດ​ຜົ້ງທ້ອງ​ທົ່ວ​ໄປ ພ້ອມ​ດ້ວຍ​ທີ​ມງານ, ອຳນວຍ​ການ​ໂຮງໝໍ ​ແຂວງ​ບໍ່​ແກ້ວ, ​ອຳນວຍ​ການ​ໂຮງໝໍ​ເມືອງ 5 ​ເມືອງ, ​ໂຮງໝໍທະ​ຫານ​ແຂວງ, ​ໂຮງໝໍ ປກສ , ​ແຂກ​ຖືກ​ເຊີນ ​ແລະ ພະນັກງານ​ແພດ​ໝໍພາຍ​ໃນ​ໂຮງໝໍ​ເຂົ້າຮ່ວມ.

         

ທ່ານ ດຣ ​ແສງ​ວົງ ບຸດຕະວົງ ອຳນວຍ​ການ​ໂຮງໝໍ​ແຂວງ​ຫລວງ​ນ້ຳທາ ​ໄດ້​ລາຍ​ງານການຈັດຕັ້ງປະຕິບັດ​ວຽກ​ງານ​ໄລຍະ​ຜ່ານ​ມາ ພະ​ແນ​ກສາທາລະນະ​ສຸກ​ແຂວງ​ເວົ້າລວມ, ​ເວົ້າສະ​ເພາະ​ໂຮງ​ໝໍ​ແຂວງ​ຫລວງ​ນ້ຳທາ​ໄດ້​​ເອົາ​ໃຈ​ໃສ່ໃນ​ການ​ປັບປຸງ ​ແລະ ພັດທະນາ​ຄຸນ​ນະພາ​ບຂອງ​ການ​ບໍລິການ​​ດ້ວຍ​ດີຕະຫລອດ​ມາ ​ໂດຍ​ການຈັດຕັ້ງປະຕິບັດ​ຕາມ 2 ຫນ້າ​ທີ່​ຍຸດ​ທະ​ສາດ​ໃຫຍ່, ຕາມ​ຍຸດ​ທະ​ສາດ​ປະຕິ​ຮູບ​ສາທາລະນະ​ສຸກ ​ແລະ ປະຕິບັດ​ນະ​ໂຍບາຍ 5 ດີ, 1 ພໍ​ໃຈ ​ໂດຍ​ເນັ້ນ​ໃສ່: ການ​ພັດທະນາ​ດ້ານຊັບພະຍາກອນ​ມະ​ນຸດ ດ້ານ​ປະລິມານ ​ແລະ ຄຸນ​ນະພາ​ບ, ດ້ານ​ອຸປະກອນ​ການ​ແພດ ​ໃຫ້​ພຽງພໍ ​ແລະ ທັນ​ສະ​ໄຫມ, ວຽກ​ງານ​ການ​ປິ່ນປົວ​ດ້ວຍ​ການຜ່າຕັດ​​ແມ່ນ​ວຽກ​ຫນື່ງທີ່​ມີ​ຄວາມ​ສຳຄັນ ​ແລະ ຈຳ​ເປັນ​ໃນ​ການ​ຊ່ວຍ​ເຫລືອ-ກອບ​ກູ້​ເອົາ​ຊີວິດ​ຂອງ​ຄົນ​ເຈັບ ​ປະຈຸ​ບັນ​ໂຮງໝໍແຂວງ​ຫລວງ​ນ້ຳທາ ສາ​ມາດ​ເປີດ​ການປິ່ນປົວ​ຜ່າຕັດ​ຜ່ານ​ທໍ່ ​ເຊິ່ງ​ເປັນ​ການຜ່າຕັດ​ທີ່​ທັນ​ສະ​ໄຫມ ​ເປັນ​ເຄື່ອງ​ມື​ອັນ​ໃຫມ່ ທີ່​ໄດ້​ນຳ​ມາ​ບໍລິການ​ປິ່ນປົວ​ຄົນ​ເຈັບ​ຢູ່​ໂຮງໝໍແຂວງ​ຫລວງ​ນ້ຳທາ ​ຊຸດ​ຜ່າຕັດ LC ​ເຊິ່ງນຳ​ເຂົ້າຈາກ​ປະ​ເທດ​ເຢຍລະ​ມັນ,  ​ເປັນ​ເຄື່ອງມື​ຜ່າຕັດຜ່ານ​ທໍ່​ເປັນຕົ້ນ: ຖົງ​ບີ, ​ໄສ້​ຕິ່ງ ​ແລະ ຜົ້ງ​ທ້ອງ. ​ຊຸດ​ຜ່າຕັດ​​ແມ່ນ​ໄດ້​ຮັບ​ການສະຫນັບສະຫນຸນຈາກ ລັດຖະບານລາວ ມູນ​ຄ່າ 1.458 ລ້ານ​ກີບ.

ພາຍຫລັງ​ທີ່​ແພດ​ໝໍ​ໄດ້​ຮັບ​ການ​ຝຶກ​ອົບຮົມ​ວິທີ​ການ​ນຳ​ໃຊ້​ປິ່ນປົວ​ຄົນ​ເຈັບ​ແລ້ວ ທາງ​ໂຮງໝໍ​ໄດ້​ເປີດ​ການ​ນຳ​ໃຊ້​ຊຸ​ດຜ່າຕັດ​ຜ່ານ​ທໍ່ຢ່າງ​ເປັນ​ທາງ​ການ​ໃນ​ 1 ອາທິດ​ຜ່ານ​ມາ ​ໄດ້ທຳ​ການຜ່າຕັດ​ດ້ວຍລະບົບ​ຜ່ານ​ທໍ່​ປິ່ນປົວ​ຄົນ​ເຈັບ​ໄດ້ 10 ກວ່າ ກໍລະນີ ​​ເຮັດ​ໃຫ້ຜູ້​ເຂົ້າຮັບ​ການ​ປິ່ນປົວມີ​ສຸຂະພາບ​ແຂງ​ແຮງ​ດີ ​ແລະ ມີ​ຄວາມ​ປອດ​ໄພສູງ

​ໂອກາດ​ນີ້ ບັນດາ​ທ່ານ​ ​ແຂກ​ທີ່​ເຂົ້າຮ່ວມ​ກອງ​ປະຊຸມ ​ໄດ້​ເຂົ້າ​ເບິ່ງ​ການຜ່າຕັດ​ຖົງ​ບີ ດ້ວຍ​ລະບົບຜ່ານ​ທໍ່​ຕົວ​ຈິງ​​​ໃນ​ຫ້ອງ​ຜ່າຕັດ​ຕື່ມ​ອີກ.