^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

256283
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
138
233
371
254100
4977
11868
256283

ວັນ​ທີ 2 ສີ​ງຫາ 2019ນີ້ ຢູ່​ພະ​ແນ​ກສາທາລະນະ​ສຸກ​ແຂວງ​ຫຼວງນ້ຳທາ​ໄດ້​ຈັດ​ກອງ​ປະ​ຊູ​ມ​ສະຫຼຸບກິດຈະກຳ 6​ເດືອນ​ຕົ້ນ​ປີ ​ແລະ ວາງ​ແຜນການ 6 ​ເດືອນ ທ້າຍ​ປີການຈັດ​ຕັ້ງ​ປະຕິບັດ​ກິດຈະກຳ​ຂອງ​ໂຄງການ​ຮ່ວມ​ມື​ປັບປຸງ​ດ້ານ​ໂພຊະ​ນາ​ການ​ແຂວງ​ຫຼວງນ້ຳທາ,​​ໂດຍ​ການ​ເປັນ​ປະທານ​ຂອງ​ທ່ານ ດຣ ​ແກ້ວ ອີນທະ​ວົງ ຮອງ​ຫົວໜ້າພະ​ແນ​ກສາທາລະນະ​ສຸກ,ມີຮອງ​ເຈົ້າ​ເມືອງ​3​ເມືອງ,ຮອງ​ຫົວໜ້າພະ​ແນ​ກການ,ຮອງ​ຫົວໜ້າຫ້ອງການ​ສາທາລະນະ​ສຸກ​ເມືອງ,ຜູ້​ປະສານ​ງານ​ໂຄງການ ​ແລະ ພາກ​ສວນ​ທີ​ກຽ່ວຂ້ອງ​ເຂົ້າ​ຮ່ວມ.

 

ທ່ານ ລິດ​ສຸວັນ ພຸດ​ທະ​ວົງ ຜູ້​ປະສານ​ງານ​ໂຄງການ​ຮ່ວມ​ມື​ປັບປຸງ​ໂພຊະ​ນາ​ການ​ແຂວງ​ຫຼວງນ້ຳທາ​​ໄດ້​ກ່າວ​ຕໍ່ກອງ​ປະ​ຊູ​ມວ່າ:​ໃນ​ການຈັດ​ຕັ້ງ​ປະ​ບັດ​ວຽກງານ6​ເດືອນ​ຕົ້ນ​ປີ ​ແລະ ວາງ​ແຜນການ 6​ ເດືອນ​ທ້າຍ​ປີ 2019 ຂອງ​ໂຄງການ​ຮ່ວມ​ມື​ປັບປຸງ​ດ້ານ​ໂພຊະ​ນາ​ການ​ແຂວງ​ຫຼວງນ້ຳທາ ​ໄດ້​ປະຕິບັດ​ຕາມ​ຂໍ້​ຕົກລົງ​ຂອງ​ກະຊວງ​ການ​ຕ່າງປະ​ເທດ​ເລກທີ 000064/ຕປທ ຈສກ, ລົງ​ວັນ​ທີ 4 ມັງກອນ 2o19 ວ່າ​ດ້ວຍ​ການ​ອານຸມັດ​ຮັບ​ເອົາ​ໂຄງການ​ຊ່ວຍ​ເຫຼືອ​ລ້າ ຈາກ​ອົງການ​ແຄຣ ນາໆຊາດ ປະຈຳ ສປປ ລາວ,ກິດຈະກຳ​ຫຼັກ​ຂອງ​ໂຄງການ​ແມ່ນ​ສົ່ງ​ເສີມ​ການ​ແປງ​ປຽນດ້ານ​ພຶດຕິ​ກຳ​ທີ່​ພົວພັນ​ເຖິງສຸຂະ​ອານະໄມ ​ແລະ ​ໂພຊະນາ​ການ​ເພື່ອ​ເຂົ້າ​ເຖິງ​ການ​ບໍລິການ​ດ້ານ​ໂພຊະ​ນາ​ການ ​ແລະ ວຽການ​ແມ່ ​ແລະ ​ເດັກ​ທີ່​ມີ​ຄູນ​ນະພາ​ບ​ໃນ ​3 ​ເມືອງ ​ເປົ້າໝາຍຂອງ​ໂຄງການ​ຄື: ​ເມືອງ​ຫຼວງ​ນ້ຳ​ທາ, ​ເມືອງ​ລອງ ​ແລະ  ​ເມືອງ ສີ​ງ, ຫຼຸດຜ່ອນ ​ແລະ ສະກັດ​ກັ້ນ​ສາຍ​ເຫດ​ທີ່​ໃຫ້​​ເກີດ​ການ​ຂາດ​ສານ​ອາຫານ​ໃນ ​3 ​ເມືອງ ​ເປົ້າໝາຍຂອງ​ໂຄງການ​, ສ້າງ​ຄວາມ​ເຂັ້ມ​ແຂງ​ໃນ​​ການ​ບໍ​ລິ​ການຄຸ້ມ​ຄອງ​ໂພຊະ​ນາ​ການ​ໃນຂັ້ນ​ທ້ອງ​ຖິ່ນ ​ແລະ ຂັ້ນ​ເມືອງ​ໄດ້​ຮັບ​ການ​ປັບປຸງ​ທີ່​ດີ​ຂື້ນ​ໃນ 3 ​ເມືອ​ງ ​ແລະ ​ເພື່ອ​ແນ່​ໃສ່​ຄ້ຳປະກັນ​ສະບຽງອາຫານ ​ແລະ ​ໂພຊະ​ນາ​ການ​ໃນ​ຄົວ​ເຮືອນ​ຢູ່​ເຂດ​ຊົນນະບົດ​ແບບ​ຍືນ​ຍົງ​ຂັ້ນ​ຄອບຄົວ ​ແລະ ຂັ້ນ​ບ້ານ​ໃນ​ແຂວງ​ຫຼວງ​ນ້ຳ​ທາ, ພ້ອມທັ​ງປັບປຸງ​ດ້ານ​​ໂພຊະນາ​ການຂອງ​ແມ່ຍິງ​ໄວໜຸ່ມ, ​ແມ່ຍິງ​ຖືພາ, ​ແມ່ຍິງ​ທີ່​ຂາດ​ສານ​ອາຫານ ​ແລະ ​ເດັກນ້ອຍ​ອາຍຸ​ຕ່ຳ​ກ່ວາ 5 ປີ​ລົງ​ມາ​ຢູ່​ໃນ​ເຂດ​ເປົ້າໝາຍຂອງ​ໂຄງການ ​ແລະ ຜ່ານ​ມາ​ໄດ້​ຮັບ​ເຜີຍ​ແຜ່​ວຽກງານ​ການ​ສື​ສານ​ເພື່​ອ​ປ່ຽນ​ແປງ​ພຶດຕິ​ກຳ​ດ້ານ​ສັງຄົມ​ເພື່ອ​ໂພ​ຊະນາ​ການ​ຢູ່​​ຂັ້ນ​ແຂວງ ​ແລະ ​3 ​ເມືອງ​ເປົ້າ ໝາຍມີ​ຜູ້​ເຂົ້າ​ຮ່ວມ 144 ຄົນ ຍິງ 54 ຄົນ, ​ໄດ້​ຝືກອົບຮົມ​ກ່ຽວກັບ​ການ​ຊ່ວຍ​​ເກີດ​ລູກ​ແບບ​ປອດ​ໄພ ​ແລະ ລ້ຽງດູ​ເດັກ​ອ່ອນ​ທີ່​ອົງການ​ຊ່ວຍ​ເຫຼືອ​ເດັກ​ສາກົນ, ​ຝືກອົບຮົມ​ວຽກງານ​ບົດບາດ​ຍິງ-ຊາຍ​ໃຫ້ພະນັກງານ​ຄູ່​ຮ່ວມ​ງານ​ພາກ​ລັດ​ຂັ້ນ​ແຂວງ - ຂັ້ນ​ເມືອງ, ພະ​ແນ​ກການ​, ສຸກສາລາ, ສະຫະພັນ​ແມ່ຍິງ​ແຂວງ​ເມືອງ, ຝືກອົບຮົມ​ການ​ແບ່ງ​ເບົາ​ວຽກງານ​ບົດບາດ​ຍິງ - ຊາຍ​ເພື່ອ​ອຳນວຍ​ຄວາມ​ສະດວກ​ຂັ້ນ​ບ້ານ 3 ​ເມືອງ 41 ບ້ານ​, ຝືກອົບຮົມ​ການ​ເ​ປັນ​ຄູ່​ຝືກ​ເພື່ອ​ອຳນວຍ​ຄວາມ​ສະດວກ​ໃນ​ບຽກງານ​ກຸ່ມ​ທ້ອນ​ເງີ​ນຂອງ​ແມ່ຍິງ​ໃນ​ຂັ້ນ​ບ້ານ​ໃຫ້​ແກ່​ສະຫະພັນ​ແມ່ຍິງ​ແຂວງ ​ແລະ ​ເມື​ອງ 2 ຄັ້ງ, ຝືກອົບຮົມ​ວຽກງານ​ການ​ຕະຫຼາ​ດດ້ານ​ສຸຂະ​ອະນາ​ໄມ​ໃຫ້​ວິຊາ​ການ​ນ້ຳ​ສະອາດ​ແຂວງ ​ແລະ ​ເມືອງ​, ຝືກອົບຮົມ​ການ​ສຳ​ຫຼວດອອກ​ແບບ​ລະບົບ​ນ້ຳ​ລີ​ນ ​ແລະ ​ແຜນການນ້ຳ​ປອດ​ໄພ​ໃຫ້​ວິຊາ​ການ​ນ້ຳ​ສະອາດ​ແຂວງ,​ ​ເມືອງ ​ແລະ ​ໂຄງການ 3 ​ແຂວງ​ພາກ​ເໜືອຄື: ຫຼວງ​ນ້ຳ​ທາ, ຜົ້ງ​ສາລີ ​ແລະ ຫົວພັນ ທີ່​ແຂວງ​ອຸດົມ​ໄຊ, ສຳ​ເລັດ​ການ​ລົງ​ເກັບ​ກຳ​ຂໍ້​ມູນ​ພື້ນຖານ​ຂອງ​ການ​ປະຕິບັດ​ວຽກງານ​ຂອງໜ່ວຍ​ແພດ​ເຄື່ອນ​ທີ່ ​ແລະ ສຸຸກສາລາ 3 ​ເມືອງ​ເປົ້າໝາຍ, ສ້າງ​ກອງ​ທືນກຸ່ມ​ທ້ອນ​ເງີ​ນຂອງ​ແມ່ຍິງ​ຂັ້ນ​ບ້ານ ​ແລະ ​ເລີ່ມ​ຝາກ​ໄດ້ 6 ກຸ່ມ ​ໃນ 5 ບ້ານ ມີ​ເງີ​ນຝາກ​ທັງໝົດ 12,6oo,ooo ກີບ, ມີ​ສະມາ​ຊີກ 175 ຄົນ​, ​ໂຄງ​ລ່າງ​ພື້ນຖານ​ທາງ​ດ້ານນ້ຳ​ລີ​ນ ​ແລະ ສຸຂະ​ອະນາ​ໄມ​ໄດ້​ຮັບ​ການ​ປັບປຸງ ​ແລະ ສາມາດ​ນຳ​ໃຊ້​ໄດ້ ​ແລະ ລົງ​ຕິດຕາມ​ຊຸກຍູ້​ການກໍ່ສ້າງ​ວິດ​ຖ່າຍ ​ແລະ ​ເຄື່ອງ​ກັ່ນ​ຕອງ​ນ້ຳ​ໃນ 3 ​ເມືອງ 15 ບ້ານ.

ທິດ​ທາງ​ແຜນການ 6 ​ເດືອນ​ທ້າຍ​ປີ 2o19 ​ແມ່ນ​ສືບຕໍ່ສົ່ງ​ເສີມ​ການ​ປ່ຽນ​ແປງ​ດ້ານ​ພຶດຕິ​ກຳ​ທີ່​ພົວພັນ​ເຖິງ​ດ້ານ​ສຸຂະ​ອະນາ​ໄມ ​ແລະ ​ໂພ​ສະນາ​ການ​ເພື່ອ​ໃຫ້​ເຂົ້າ​ເຖິງ​ການ​ບໍລິການ​ດ້ານ​ໂພຊະ​ນາ​ການ ​ແລະ ວຽກງານ​ແມ່ ​ແລະ ​ເດັກ ທີ່​ມີ​ຄູນ​ນະພາ​ບ​ໃນ 3 ​ເມືອງ​ເປົ້າໝາຍຂອງ​ໂຄງການຄື: ​ເມືອງ​ສີ​ງ, ​ເມືອງ​ລອງ ​ແລະ ​ເມືອງ​ນ້ຳ​ທາ, ປັບປຸງ​ເນື້ອ​​ໃນ​ຫຼັກ​ສູດ​ການ​ຝືກອົບຮົມ, ​ເປີດ​ຝືກອົບຮົມ​ໃຫ້​ຜູ້ອຳນວຍ​ຄວາມ​ສະດວກ​ຊຸມ​ຊົນ ​ແລະ ດຳ​ເນີນ​ການ​ເຄື່ອນ​ໄຫວ​ລົງ​ຕິດຕາມ​ຊຸກ​ຍູ້​ຄົວ​ເຮືອນ 1 ooo ວັນ, ສ້າງ​ຄວາມ​ເຂັມ​ແຂງ​ໃຫ້​ລະບົບ​ສາທາລະນະ​ສຸກ​ຂັ້ນ​ເມືອງ, ສ້າງ ຫຼື ສ້ອມ​ແປງ​ລະບົບ​ນ້ຳ​ສະອາດ ​ແລະ ​ເຊືອມ​ສານ​ໂຄງການ​ກັບ​ການ​ຜະລິດ​ອາຫານ​ແບບ​ຍືນ​ຍົງ​ເພື່ອ​ສ້າງ​ພຶດຕິ​ກຳ​ການ​ບໍລິ​ໂພ​ກອາຫານ​ແບບ​ຍືນ​ຍົງ ​ແລະ ອື່ນໆ.