^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

256294
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
149
233
382
254100
4988
11868
256294

ຕອນເຊົ້າຂອງວັນທີ 26 ກໍລະກົດ 2019 ນີ້ ພະແນກສາທາລະນາສຸກແຂວງຫຼວງນໍ້າທາ ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2019. ໂດຍການເປັນປະທານຂອງທ່ານ ດຣ ຄໍາຈັນ ອີນທອງໄຊ ກໍາມະການພັກແຂວງ ຫົວໜ້າພະແນກສາທາລະນາສຸກແຂວງ, ມີບັນດາຫົວໜ້າຫ້ອງການ-ຮອງຫ້ອງການບັນບາດາເມືອງ ຕະຫຼອດຮອດພະນັກງານພາຍໃນພະແນກເຂົ້າຮ່ວມ.

ໃນກອງປະຊຸມໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານສາທາລະນາສຸກປະຈໍາ 6 ເດືອນ ແລະ ວາງທິດທາງແຜນການ 6 ເດືອນທ້າຍປີ 2019ເຊິ່ງໃນນີ້ໄດ້ໂຄສະນາເຜີຍແຜ່ທາງດ້ານກັນພະຍາດ,ຮັກສາສຸຂະ ພາບ, ການເຄື່ອນ ໄຫວວຽກງານສາທາລະນາສຸກທຸກໆອາທິດທາງວິທະຍຸແຂວງ, ລົງໂຄສະນາສຸຂະສຶກສາວຽກງານກັນພະຍາດລະດຸການຢູ່ 5 ເມືອງ ຈໍານວນ 237 ບ້ານ, 812 ເທື່ອຄັ້ງ, ມີຜູ້ເຂົ້າຮ່ວມ 36,338 ເທື່ອຄົນ ໄດ້ອົບຮົມວຽກງານສື່ສານສ່ວນບຸກຄົນໃຫ້ພະນັກງານເມືອງ, ສຸກສາລາ, ເຂດ ແລະ ອົງການປົກຄອງບ້ານຢູ່ 3 ເມືອງໄດ້ 1 ຊຸດ, ມາຮອດປະຈຸບັນອັດຕາການຊົມໃຊ້ນໍ້າສະອາດໃນທົ່ວແຂວງທັງໜົດ 98%, ອັດຕາຊົມໃຊ້ວິດຖ່າຍ 81%, ບ້ານຢຸດຕິການຖ່າຍຊະຊາຍ 10 ບ້ານ, ເທົ່າກັບ 2,04%, ອັດຕາການຊົມໃຊ້ນໍ້າ ແລະ ວິດຖ່າຍຢູ່ບັນດາໂຮງຮຽນ 44,53%, ອັດຕາຊົມໃຊ້ນໍ້າ ແລະ ວິດຖ່າຍສຸກສາລາ 100%, ໄດ້ຈັດກອງປະຊຸມທົບທວນການຈັດຕັ້ງປະຕິບັດວຽກງານໂພສະນາການໄດ້ 8 ບ້ານ, 4 ເມືອງ, ຈ່າຍມຸ້ງຍ້ອມຢາໃຫ້ບັນດາ 5 ເມືອງໄດ້159 ບ້ານ, ກວມເອົາປະຊາກອນເປົ້າໜາຍ 77.495 ຄົນ, ເທົ່າກັບ 100% ຂອງປະຊາກອນເປົ້າໜາຍ, ທ່ຽບໃສ່ປະຊາກອນທົ່ວແຂວງກວມ 41,7%, ໄດ້ຈ່າຍມຸ້ງຍ້ອມຢ່າ 35,571 ດາງ, ສໍາຫຼອດໜອນນໍ້າຍຸງລາຍ 2 ຄັ້ງ, ໃນ 8 ບ້ານເທດສະບານແຂວງ, ໂຄສະນາສຸຂະສຶກສາຕ້ານໄຂ້ຍຸງລາຍໃນການປະຕິ ບັດຕາມ 5 ປໍ, 1 ຄັ້ງ, 26 ບ້ານ, ມີຜູ້ເຂົ້າຮ່ວມທັງໜົດ 6.534 ຄົນ, ຂຶື້ນທະບຽບປິ່ນປົວພະຍາດວັນນະໂລກທຸກຮູບແບບ 98 ຄົນ, ພົບພະຍາດວັນນະໂລກຫຼາຍໃນກຸ່ມອາຍຸ 25-65 ປີ, ໄດ້ກວດຄົນເຂົ້າ-ອອກເມືອງຜ່ານດ່ານສາກົນບໍ່ເຕ່ນ 316.102 ຄົນ, ຍິງ 113.705 ຄົນ, ເດັກນ້ອຍ 23.924 ຄົນ, ມີຄົນເຈັບກວດເຂດນອນຢູ່ໂຮງໜໍແຂວງ 23.907 ເທື່ອຄົນ, ຈໍານວນຄົນເຈັບນອນໂຮງໜໍ 2.592 ເທື່ອຄົນ, ເກີດລູກຢູ່ໂຮງໜໍ 648 ຄົນ, ຜ່າຕັດໃຫ່ຍ 262 ຄົນ, ຜ່າຕັດກາງ 134 ຄົນ, ຜ່າຕັດນ້ອຍ 699 ຄົນ, ສ່ອງໄຟຟ້າ 1.662 ຄັ້ງ, ວິເຄາະ 27.996 ຄັ້ງ,​ເອໂກ 3.384 ເທື່ອ, ມີຜູ້ເສຍຊີວິດໃນໂຮງໜໍ 23 ຄົນ, ເດັກນ້ອຍ 8 ຄົນ, ປະຕິບັດນະໂຍບາຍບໍ່ເສ່ຍຄ່າແກ່ຄົນເຈັບຜູ້ທີ່ທຸກຍາກທີ່ບໍ່ນອນໃນບັນດາກອງທຶນປະກັນສຸຂະພາບ 42 ຄົນ, ການບໍລິການຄົນເຈັບຢູ່ໂຮງໜໍເມືອງ ແລະ ສຸກສາລາຈໍານວນເຂດນອກ 50.455 ເທື່ອຄົນ, ທົ່ວແຂວງມີຮ້ານຂາຍຢາ 61 ຮ້ານ, ໃນນີ້ຂັ້ນ 1 ມີ 13 ຮ້ານ, ຂັ້ນ 2 ມີ 22 ຮ້ານ, ຂັ້ນ 3 ມີ 26 ຮ້ານ, ຄຸ້ມຄອງໂຮງງານຜະລິດຢາ 1 ແຫ່ງ, ມີສະຖານນີຢາພື້ນເມືອງ 1 ແຫ່ງ ແລະ ສ່ນຊີວະນາໆພັນ 1 ແຫ່ງ.

          ສໍາລັບທິດທາງແຜນການຕໍ່ໜ້າແມ່ນຈະສືບຕໍ່ເອົາໃຈໃສ່ສຶກສາອົບຮົມດ້ານການເມືອງແນວຄິດໃຫ້ແກ່ຖັນແຖວພະນັກງານ, ເຊື່ອຊືມບັນດາແນວທາງນະໂຍບາຍຂອງພັກ-ລັດໃຫ້ພະນັກງານພາຍໃນຂະແໜງສາທາລະນາສຸກຂອງແຂວງ-ເມືອງໃຫ້ທົ່ວເຖິງ ແລະ ສຶບຕໍ່ການເຝົ້າລະວັງ-ລາຍງານສະພາບຂອງພະຍາດລະບາດປະຈໍາວັນໃຫ້ມັນທວງທັນຕາມເວລາ.