^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

314512
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
250
352
2414
308594
8468
12447
314512

ວັນທີ່ 21 ພຶດສະພາ 2019 ນີ້ຢູ່ ທີ່ພະແນກສາລະນະສຸກແຂວງຫຼວງນໍ້າທາ. ໜ່ວຍຊາວໜຸ່ມພະແນກສາທາລະນະສຸກແຂວງໄດ້ເປີດກອງປະຊຸມໃຫ່ຍຄັ້ງທີ່ IV. ໂດຍການເປັນປະທານຂອງທ່ານ ຫຸມແພງ ສອນສຸວັນ ເລຂາໜ່ວຍຊາວໜຸ່ມພະແນກສາທາລະນະສຸກແຂວງ, ທ່ານ ດຣ ບຸນນຳ ຄະນະພັກຮາກຖານຜູ້ຊື້ນຳອົງການຈັດຕັ້ັງມະຫາຊົນ ຮອງຫົວໜ້າ ພະແນກສາທາລະນະສຸກແຂວງ, ມີທ່ານ ວົງມະນີ ເພຶອປະຊາ ເລຂາຄະນະບໍລິຫານງານຊາວໜ່ວຍແຂວງ, ພາກສ່ວນທີ່ກ່ຽວຂ້ອງຂອງແຂວງ, 3 ອົງຈັດຕັ້ງມະຫາຊົນຕະຫຼອດຮອດສະມາຊິກພາຍໃນໜ່ວຍເຂົ້າຮ່ວມທັງໝົດ 40ທ່ານ, ຍີງ 18ທ່ານ.

  

ທ່ານ ຫຸມແພງ ສອນສຸວັນ ເລຂາໜ່ວຍຊາວໜຸ່ມພະແນກສາທາລະນະສຸກແຂວງ, ໄດ້ຜ່ານຮ່າງບົດສະຫຼຸບລາຍງານການເມືອງການເຄື່ອນໄຫວວຽກງານຊາວໜຸ່ມໃນໄລຍະ 3 ປີ ຜ່ານມາ(ປີ 2016 - ປີ 2018.)ແລະ ທິດທາງແຜນການ 5 ປີຕໍ່ນ້າ. ໜ່ວຍຊາວໜຸ່ມພະແນກສາທາລະນະສຸກແຂວງແມ່ນໜວ່ຍໜຶ່ງທີ່ທຽບເທົ່າກັບບັນດາໜ່ວຍຊາວໜຸ່ມອ້ອມຂ້າງແຂວງ ແລະ ຈັດຕັ້ງປະຕິບັດເຄື່ອນໄຫວວຽກງານ,ພາຍໃຕ້ການຊີ້ນໍາໆພາໂດຍກົງ ແລະ ຮອບດ້ານຂອງຄະນະພັກພະແນກສາທາລະນະສຸກແຂວງ, ຄະນະຊາວໜຸ່ມແຂວງ, ມີຄະນະໜ່ວຍ 3 ສະຫາຍ, ຍິງ 1 ສະຫາຍ, ມີສະມາຊີກທັງໝົດ 33 ສະຫາຍ, ຍິງ 17 ສະຫາຍ. ໃນໄລຍະ 3 ປີຜ່ານມາໜ່ວຍຊາວໜຸ່ມຂອງພວກເຮົາໄດ້ເອົາໃຈໃສ່ຊີ້ນໍາໆພາ, ສຶກສາອົບຮົມດ້ານການເມືອງແນວຄິດໃຫ້ສະມາຊີກພາຍໃນໜ່ວຍ ໃຫ້ມີແນວຄິດເຊື້ອໜັ້ນຕໍ່ແນວທາງນະໂຍບາຍຂອງພັກ-ລັດ, ຍຶດໜັ້ນອຸດົມການສັງຄົມນິຍົມ, ມີແນວຄິດອຸ່ນອ່ຽນທຸ່ນທ່ຽນ, ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ມີຄວາມເປັນເອກະພາບຕໍ່ກັບແນວທາງປ່ຽນແປງໃໜ່ຢ່າງຮອບດ້ານ, ນອກນັ້ນຄະນະ, ສະມາຊິກຊາວໜຸ່ມຍັງໄດ້ເອົາໃຈໃສ່ເຂົ້າຮ່ວມການເຊື່ອມຊື່ມ ບັນດາແນວທາງນະໂຍບາຍຂອງພັກ, ມະຕິ, ຄຳສັງ, ລະບຽບກົດໜາຍຂອງລັດ ແລະ ມຸນເຊື້ອຂອງພັກ, ຂອງຊາດ ແລະ ບັນດາເອກະສານຕ່າງໆທີຄະນະບໍລິຫານງານຊາວໜຸມແຂວງ ແລະ ພາກສ່ວນອື່ນຈັດຂື້ນທັງໜົດ 18 ຄັ້ງ, ມີ 105 ເທື່ອຄົນ, ນອກນັ້ນຍັງໄດ້ເຂົ້າຮ່ວມສະເຫຼີມສະຫຼອງວັນບຸນສຳຄັນຕ່າງໆ 25 ຄັ້ງ, ມີຜູ້ເຂົ້າຮ່ວມ 168 ເທື່ອຄົນ. ທິດທາງແຜນການເຄື່ອນໄຫວຂອງໜ່ວຍຊາວໜຸ່ມພະແນກສາທາລະນະສຸກແຂວງໃນ 5 ປີຕໍ່ໜ້າ ປີ 2019 – 2024. ສືບຕໍ່ສຶກສາອົບດ້ານການເມືອງ - ແນວຄິດ ໃຫ້ສະມາຊິກຊາວໜຸ່ມພາຍໃນໜ່ວຍດ້ວຍຫຼາຍເນື້ອໃນ, ຫຼາຍຮຸບການ ເຮັດໃຫ້ສະມາຊິກຊາວໜຸ່ມເຊີມຊື່ມ, ເຂົ້າໃຈແຈ້ງຕໍ່ແນວທາງນະໂຍບາຍຂອງພັກ-ລັດ, ເອົາໃຈໃສ່ປັບປຸງແບບແຜນວິທີເຮັດວຽກຂອງສະມາຊິກທີ່ປະຈຳຢູ່ແຕ່ລະຂະແໜງໃຫ້ຖຶກຕ້ອງສອດຄ່ອງກັບວຽກງານຕົວຈິ່ງໃນປະຈຸບັນ. ຈາກນັ້ນຜູ້ແທນກອງປະຊຸມໄດ້ປະກອບຄຳຄິດຄຳເຫັນໃສ່ຮ່າງບົດສະຫຼຸບເພຶ່ອເຮັດໃຫ້ ບົດສະຫຼຸບຊັດເຈັນ ແລະ ດີຂື້ນກ່ວາເກົ່າ. ໃນການດຳເນີນກອງປະຊຸມໄດ້ປ່ອນບັດເລືອກຕັ້ງເອົາຄະນະໜ່ວຍຊາວໜຸ່ມພະແນກສາທາລະນະສຸກ ຊຸດໃໜ່ເຊີ່ງມີຜູ້ສະໜັກ 5 ທ່ານ, ເລືອກເອົາ 3 ທ່ານ, ເຊິ່ງປ້ອນບັດໄດ້ທ່ານ ລິດສຸວັນ ພຸດທະວົງ ເປັນເລຂາໜ່ວຍຊາວໜຸ່ມພະແນກສາທາລະນະສຸກຊຸດໃໝ່ ພ້ອມຄະນະອີກ 2 ທ່ານ.