^ກັບໄປ ເທີງສຸດ

foto1 foto2 foto3 foto4 foto5

ປ່ຽນພາສາ

ນັບຈໍານວນຜູ້ເຂົ້າຊົມ

314521
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມ
259
352
2423
308594
8477
12447
314521

ວັນທີ່ 21 ພຶດສະພາ 2019 ຢູ່ທີ່ພະແນກສາທາລະນະສຸກແຂວງຫຼວງນໍ້າທາໄດ້ເປີດກອງປະຊຸມໃຫ່ຍ ຄັ້ງທີ່ VIII. ຂອງໜ່ວຍກໍາມະບານຮາກຖານພະແນກສາທາລະນະສຸກແຂວງ.ໂດຍການເປັນທານຂອງທ່ານ ດຣ ສົມຊາຍ ຄຸນສີລິເຮືອງ ຮັກສາການປະທານ ກຳມະບານຮາກຖານພະແນກສາທາລະນະສຸກແຂວງ. ທ່ານ ດຣ ບຸນນຳ ເພັດສີຄາມ ຄະນະພັກຮາກຖານ ຜູ້ຊີ້ນຳອົງການຈັດຕັ້ງມະຫາຊົນຮອງຫົວໜ້າພະແນກສາທາລະນະສຸກແຂວງ, ທ່ານ ບຸນເລີດ ຫຼວງເງີນ ຄະນະບໍລິຫານງານສະຫະພັນກຳມະບານແຂວງ ຮອງປະທານກຳມະບານແຂວງ,ມີກຳມະບານຮາກຖານໂຮງໝໍແຂວງ ຕະຫຼອດຮອດສະມາຊິກກຳມະບານພາຍໃນໜ່ວຍເຂົ້າຮ່ວມທັງໝົດ 63ທ່ານ, ຍີງ33 ທ່ານ.

  

ທ່ານ ດຣ ສົມຊາຍ ຄຸນສີລິເຮືອງ ຮັກສາການ ປະທານກໍາມະບານຮາກຖານພະແນກສາທາລະນະສຸກແຂວງ ຂື້ນຜ່ານບົດສະຫຼຸບການເຄຶ່ອນໄຫວ ວຽກງານກຳມະບານໃນໄລຍະ 3 ປີຜ່າມາ ແລະ ວາງທິດທາງແຜນການ 5 ປີຕໍ່ໜ້າ, ກໍາມະບານຮາກຖານພະແນກສາທາລະນະສຸກ ແຂວງ ເປັນກໍາມະບານຮາກຖານ, ມີພາລະບົດບາດເປັນເສນາທິການໃຫ້ແກ່ຄະນະພັກພະແນກສາທາລະນະສຸກ ແລະ ສະຫະພັນກຳມະ ບານແຂວງຢູ່ພາຍໃຕ້ການຊີ້ນຳໆພາສຶກສາອົມຮົມການເມືອງແນວຄິດໃຫ້ແກ່ພະນັກງານລັດຖະກອນສະມາຊີກກຳມະບານ, ມີແນວຄິດອຸນອ່ຽງທຸ່ນທ່ຽງເຊື່ອໜັ້ນຕໍ່ການນໍາພາຂອງພັກເຮັດໃຫ້ພາຍໃນຮາກຖານກຳມະບານມີຄວາມສະຫງົບ, ມີຄວາມສາມັກຄີປະກອບສ່ວນສ້າງຂະບວນການ ແລະ ປະຕິບັດມະຕິກອງປະຊຸມໃຫ່ຍຄັ້ງທີ VII ຂອງສະຫະພັນກໍາມະບານແຂວງ. ໃນໄລຍະ 3 ປີຜ່ານມາຄະນະກໍາມະບານຮາກຖານພະແນກສາທາລະນະສຸກ ໄດ້ຖືເອົາວຽກງານສຶກສາອົບຮົມດ້ານການເມືອງ-ແນວຄິດຕໍ່ພະນັກງານລັດຖະກອນ, ສະມາຊີກກໍາມະບານເປັນບັນຫາຕົ້ນຕໍ່, ໂດຍການນໍາເອົາແນວທາງ-ແຜນນະໂຍບາຍຂອງພັກ-ລັດ, ລະບຽບກົດໜາຍ, ຮຽນຮູ້ເຊື່ອມຊືມ ແລະ ຈັດຕັ້ງນຳພາ, ມີສະມາຊິກກຳມະບານທັງໜົດ 74 ສະຫາຍ, ຍິງ 33 ສະຫາຍ. ໃນໄລຍະ 3 ປີຜ່ານມາກໍາມະບານຮາກຖານພວກເຮົາໄດ້ເອົາໃຈໃສ່ເຄື່ອນໄຫວຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສູນກາງສະຫະພັນກຳມະບານວາງອອກ, ສາມາດປະເມີນປະຕິບັດໄດ້ 94% ຂື້ນໄປ ການປະເມີນບຸກຄົນດີເດັ່ນໃນແຕ່ລະປີຂອງສະມາຊິກກໍາມະບານຮາກຖານພະແນກສາທາລະນະສຸກກໍ່ສາມາດປະຕິບັດໄດ້ 94% ຂື້ນໄປໄດ້.ເຂົ້າຮ່ວມຮັບຟັງປາຖັກກະຖາ, ມຸນເຊື້ອຕ່າງໆຂອງຊາດ, ລວມທັງໜົດ 30 ຄັ້ງ, ມີຜູ້ເຂົ້າຮ່ວມ 3517 ສະຫາຍ, ຍິງ 184 ສະຫາຍ, ມີເງີນກອງທືນ 4,100,000 ກີບ ທິດທາງການເຄື່ອນໄຫວຂອງກໍາມະບານ ໃນຊຸມປີຕໍ່ໜ້າ ສືບຕໍ່ປະຕິບັດໜ້າທີ່ ແລະ ເຄື່ອນໄຫວຕາມພາລະບົດບາດຂອງວຽກງານກຳມະບານ ເຂົ້າໃນວຽກງານວິຊາສະເພາະຂອງຕົນ ເພຶ່ອໃຫ້ມີການເຄື່ອນໄຫວເປັນປົກກະຕິ ແລະ ຕໍ່ເນື່ອງ, ພ້ອມທັງມີການປັບປຸງຖອດຖອນບົດຮຽນ ແລະ ຫາວິທີແກ້ໄຂໃນສິງທີຍັງຄົງຄາງໃນຕໍ່ໜ້າ. ຈາກນັ້ນຜູ້ແທນກອງປະຊຸມໄດ້ປະຄຳຄິດຄໍາເຫັນໃສ່ຮ່າງບົດສະຫຼຸບ ເພຶ່ອເຮັດໃຫ້ບົດສະຫຼຸບຊັດເຈັນຂື້ນ. ໂອກາດດັ່ງກ່າວພິທິກອງປະຊຸມໄດ້ປອນບັດເລືອກຕັ້ງເອົາຄະນະກຳມະບານຮາກຖານຊຸດໄໜ ເຊິ່ງມີຜູ້ສະມັກ 7 ທ່ານ, ເລືອກເອົາ 5 ທ່ານ, ປອນໄດ້ ທ່ານ ດຣ ໄພວັນ ພັນມາລາ ເປັນປະທານກຳມະບານຮາກຖານພະແນກສາທາລະນະສຸກຊຸດ  ໃໝ່ ພ້ອມດ້ວຍຄະນະອິກ 4 ທ່ານ.